العراقيين المغتربين في فنلندا - تامبري

رابطة شباب العراق , تامبرا - فنلندا
 
الرئيسيةالبوابةس .و .جبحـثالمجموعاتالتسجيلدخول

شاطر | 
 

 ** عظم هدهد**

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عباس
عضو فعال
عضو فعال


عدد المساهمات : 114
تاريخ التسجيل : 19/08/2008
العمر : 32

مُساهمةموضوع: ** عظم هدهد**   26/9/2008, 2:46 am

انه ياصاحبي ماعندي وجهين

حته انزع وجه والثاني البسه

ولا غرتني يوم امراية البيت

وكف بالركن والزم اكلنسه

المظاهر ماتغير واقع الحال

البيه خير خل يعتز بنفسه

اليمد رجله اعله كد اغطاه موعيب

عيب اعله التندهه الصبح شمسه

نمت متعوب بس فزيت مرتاح

صار الماي حدري وكمت احسه

يسايسني الجرف وضحك عله الروج

عظم هدهد وعاند ومشي عكسه

انه ابن المارضت بكتارهه انلوذ

وبوي الماشبج خمسه اعله خمسه

ونه الوكت الشدايد صوتي ماضاع

وانه الماطلع للجار حسه

اكص اجدامي من تخونهه الكاع

وجوي جفوفي من اتصير نحسه

اليزرع طيب كالو يحصد الطيب

والفلاح يجني اثمار غرسه

لاكن طيبتي خلتني ماشوف

وصدك كلمن ايراويني ضرسه

مهيه اتغالطت نبضات الكلوب

اذا يانبض منهن راح اجسه

الحقيقه اتكون مره ابعض الحيان

وبعض الورد يذبل من تلمسه

الحب ضاع وحنه الضيعينا

لان ماجنه نحترمه ونقدسه

وحياتك ماسهرت الليل بطران

ولا متواعد وشبعان ونسه

يمربيه الحجي المايطري عالبال

وتيه ابين صفنه اودمعه خرسه

قطار الذكريات ايودي ويجيب

ومحطات العمر من عدهه شنسه

لهسه اتسولف ابجرحي السجاجين

والنيشان بعده ابضهري لسه

ولو عشريني خلصن طيف جذاب

وثلاثيني ابتدن بضروف تعسه

مامعقوله ابقه اركض وره الغيم

حتما استقر والكالي مرسه

كفاني ازعل وسد الباب وغتاض

ورد افرش شليلي اعتاب اترسه

علئ كل حال الف الحمد لله

خذت حيفي وكسرت اعيون شرسه

حسن شاطر ويحفظ كلشي عالغيب

قره اكتاب الزمان وحفظ درسه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الديواني
Admin
Admin


عدد المساهمات : 59
تاريخ التسجيل : 18/08/2008

مُساهمةموضوع: رد: ** عظم هدهد**   26/9/2008, 1:25 pm

صح لسانك اخوي مشكور على هذه الاشعار الجميلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://iraq.nojoumarab.net
 
** عظم هدهد**
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
العراقيين المغتربين في فنلندا - تامبري :: الثقافه والادب :: الشعر الشعبي والفصيح-
انتقل الى: